الى من يهمه الامر !

                                             اوراها دنخا سياوش

يا اهل القسمة والقيل والقال وبسْ

ليش تردون الفتنة تندسْ ؟

وما تردون ثوب الفرحة نلبسْ ؟

شنو .. جاي دنلعب على الكأسْ ؟

لو دنتكاتل على فرسْ ؟

اشو اولادنا انذبحوا واحنا ولا نفسْ ؟

وانضربنا بالاخمسْ

ولا واحد بينا شال مسدّسْ

صرنا مثل الاخرسْ

شايلين چوالاتنا منهزمين وناكل عدسْ

وبعد ما چنّا بوطنا خانسين خنسْ

صرنا من بعيد نتناطح راس برأسْ

وما تعلمنا الدرسْ

لا بل على العكسْ

 طلعولنا ناس منّا وبينا يضربونا بفأسْ

على راسنا حتى ننكسْ

وصديقهم يتفرح ومسرور چنّة بعرسْ

وصاحبنا منتظر الكعكة حتى يلحسها لحسْ

خطيّة اكيتو بعد ما صحى وصار يتنفّسْ

اكل المسكين بوري ترسْ

ضاعت عليه الحسبة والعمر ومُخّا انحبسْ

مايعرف عندمن يروح ويحتفل ويدگ جرسْ

الله لا ينطيك يا الانقسامي اللي بدون حسْ

حتى الاعياد گصگتها وسويتها بفلسْ

ولما سياوش يسمّي الانقسامي تَرَسْ

يگولون أووووووووووي شگد هذا نحسْ