خطيـّـة آشــور

                                             اوراها دنخا سياوش 

من زمانْ ومن اقدمْ العصورْ

چنتْ انتَ النورْ

ومن البداية سمّتك امك آشورْ

وبخّرتك بالبخورْ

وجابتلك حليب (ثورْ!)

حتى عظامك تقوا وتصير مثل (الغولْ!)

بهاي الكاع تصول وتجولْ.

چانت تعرف بيك امك تصير مشهورْ

وياخذون منك الشورْ

ويكون الك ذُرّية وخلف منصورْ.

ومرت الدهوووور وآخ من الدهورْ

سوّتْنا مثل العقد المنثورْ

واحدنا عن اخو وصاحبة مبتورْ.

وضاع اسمك يا آشــورْ

بعد ما چانْ يهز الدنيا ويملا القصورْ

ولو ما على الحجر نلگى اسمك محفورْ

بين الجحور والگبورْ

چان شهدو عليك بالزورْ

وصرنا ويّاكْ بخبر كان وضاع الخيط والعصفورْ.

بس الدائرة ظلّت تدورْ

وظهر چم واحد مسعورْ

يكره اسمك واللي يشيله فوگ الظهورْ

وقبلْ على نفسه يصير مأجورْ

وهو من كل عقله مسرورْ

ما يعرف انه بين الناس صار طرطورْ

وباچر من يطلع عن الطورْ

اسياده يوكّلوه عاگولْ

ويذبحوه ذبح العجولْ

وينسون ان الله رحيم غفورْ.

خطية آشـــــورْ

يردون يرجموك وانت توّك تريد تثورْ

على الظلم والثبورْ.

عجيب امورْ

التمت عليك الشرورْ

وصرت تدافع عن نفسك مجبورْ

بعد ما چانوا الاعداء يخافونك ويختلون بالجحورْ.

بس اللي يحبوك ما يخلوك مقهورْ

ولا يخلون اسمك مثل گبل محظورْ

يشيلونك على راسهم ويصيرون الك سورْ

ويحموك من كل غدّار ومخمورْ

حتى ارواحهم تروحلك فدوة ونذورْ

وعدوك وكاره اسمك ما يفرشوله زهورْ

لا على العكس يضربوه على راسة مثل الـ...صرصورْ